✍️ بقلم الصحفية: مريم محمد

خالد منيب.. صوت بيخطف القلب من أول لحظة، يدخل وجدانك من غير استئذان، كأنه وُلد علشان يغني ويلمس مشاعر الناس. موهبته مش بس في قوة صوته، لكن كمان في إحساسه العالي اللي بيخلي كل كلمة يغنيها توصلك كأنها معمولة ليك شخصيًا.

كتير بيشوفوا فيه ملامح وشبه كبير من الفنان الراحل عامر منيب – رحمه الله – سواء في الشكل أو الحضور على المسرح، وكأن خالد بيكمل مسيرة فنية محطوطة له بقدر جميل.

بداية خالد مكانتش تقليدية، اختار طريق السوشيال ميديا، وبدأ واحدة واحدة يعمل فيديوهات على “تيك توك”، ومن خلال عفويته وصوته العذب قدر يخطف قلوب الجماهير. ومع مرور الوقت، صوته الحلو بقى علامة، واسمه بدأ يلمع ويثبت نفسه بين محبيه.

خالد منيب أثبت إن الطريق الحقيقي للشهرة هو الإحساس والصدق قبل أي حاجة، وإن الموهبة الحقيقية عمرها ما بتتخبى.