كنت بدور علي رحلات فلقيت صور ومعلومات كتير عن اماكن جوة مصر فلقيت موضوعات كتير نازلة باسم ( بلوجر جنة طاهر ) فلفت انتباهى طريقة الشرح البسيط والتصوير المتقن
فقمت بعمل حوار بسيط معاها
فاكتشفت انها شخصية متعددة الاهتمامات
بترسم وتصور وبتصمم فاشون ولها نشاط لدعم ذوى الهمم
بالإضافة انها بلوجر بتنقل تجارب الاماكن اللي بتزورها
فسالتها التصوير هواية بس والا الموضوع متقن معاكى ؟
فاجابت … لا هواية بس واخدين بعض عن حب
فضحكت وقولتلها يعنى ايه ؟
فاجأبت :
يعنى بحب التصوير والكاميرا بتحبنى وبيحب ملامحى عشان كدة فوتوجرافر بيطلبوا يصورونى لان ملامحى مصرية صرف
فسالتها بالنسبة لرحلاتك الهدف منها التصوير بس ؟
فاجأبت: طبعا لا
انا شايفه ان المصريين بيصرفوا الوف عشان يسافرو دول بره يتفسحوا رغم ان ألسياح بيجولنا من كل العالم عشان مبهورين بحضارتنا وجمال بلدنا فدية عقدة الخواجة
فأنا بحب انقل جانب تانى من كل مكان الموضوع مش مثلا بورسعيد تروح تاكل سمك بس وتروح لا فى أماكن كذا وكذا ممكن تحبها وكمان تتصور هناك وتنبسط غير جبل الملح والاماكن المعتادة
شرم الشيخ مثلا مش بحر بس فى ناس كتير بتفضل طول الرحلة فى الفندق والاكوا ومنها علي الطياره او الباص لمصر ..
لا فى أماكن كتير ممكن تكون روحت شرم كتير وماتعرفش عنها حاجة وجميلة جدا
دورنا اننا نكون عين السائح الحلوه عن مصر
وعين حلوه برضه لأهل بلدنا وأننا نحبب اولادنا فيها .
وكمان يعرفوا قد ايه مصر لها حضارة عظيمة
بتحلمى بأية؟
نفسي الف كل العالم واشوف حضارات وثقافات مختلفة
شايفة نفسك فين بعد ٥ سنين ؟
انا مقتنعه ان لكل مجتهد نصيب وانا طول الوقت بسعى
ومش هدفى اقلد حد او اكون زى حد هدفى اكون بصمة حلوه مع الناس بشئ قيم ومشرف
فى النهاية حبينا نشكرك لانك نموذج مشرف للبنت المصرية
ونتمنى ليكى كل النجاح والتوفيق